“Gəncliyin Təşəbbüsü” maarifləndirmə İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Vətən Müharibəsi Şəhidlərini Tanıyaq və Tanıdaq” adlı layihəsinin icrası çərçivəsində 02.03.2022-ci il tarixdə 44 Günlük Vətən Müharibəsi zamanı Qazax rayon Fərəhli,Alpoud,Dəmircilər , Qizil Hacılı və Ürkməzli kəndlərindən olan 10 şəhidimizin məzarları və ailələri ziyarət olunmuşdur.
Ziyarət zamanı cıxış edən “Gəncliyin Təşəbbüsü” maarifləndirmə ictimai birliyinin sədri və layihə rəhbəri Əliyev Azər layihə, donor haqda ətraflı məlumat vermişdir.Şəhidlərin ailə üzvlərini Şəhidlərin xatirəsinə həsr olunmuş Atıcılıq və Mini futbol yarışlarına dəvət edilmişdir. Tədbirdə iştirak edən Vətən Müharibəsi Qazisi,ehtiyatda olan zabit polkovnik leytinant Mustafayev Valeh, Qarabağ müharibəsi əlilləri,veteranları və şəhid ailələri ictamai birliyinin Qazax rayon Sədr müavini, I dərəcəli Qarabağ müharibəsi qazisi Aliyev Namiq, Vətən Müharibəsinin Qazisi Leytinant Elvin Carçı , ehtiyatda olan zabit mayor Fərzəliyev Rəşad, Qol güləşi üzrə Avropa cempionu Mustafayev İsmayıl, Fərəhli kənd İ.Ə.D.-nın nümayəndəsi Vəliyev Nəsimi , Alpoud kənd İ.Ə.D.-nın nümayəndəsi Alıyev Murğuz, Dəmirçılər kənd İ.Ə.D.-nın nümayəndəsi Mahmudova Gülnaz və digər qonaqlar zəfər yolu haqda fikirlərlərini bölüşmüş və vətənpərvər cıxışlar etmişdirlər.Tədbirdə iştirak edən QMİ–nin Qazax rayon Daş Salahlı kənd məscidinin imamı Xəlilov Sərxan Şəhidlərimiz ücün dualar etdi.
Ziyarət olunan şəhidlərimiz.
1. Şəhid Əhməd Nazim oğlu Məmmədov 1994-cü il avqustun 25-də Qazax rayonunun Fərəhli kəndində anadan olub. Azərbaycan Ordusunun kiçik çavuşu olan Əhməd Məmmədov 2020-ci il noyabrın 8-də Şuşa döyüşləri zamanı şəhid olub. Qazax rayonunun Fərəhli kənd qəbiristanlığında dəfn olunub. “Vətən uğrunda” , “Döyüşdə fərqlənməyə görə” , “Şuşanın azad olunmasına görə” medalları ilə təltif olunmuşdur.
2. Şəhid Tural Elxan oğlu Məmmədov 1990-cı il sentyabrın 17-də Qazax rayonunun Qızılhacılı kəndində anadan olub. Azərbaycan Ordusunun əsgəri olan Tural Məmmədov 2020-ci il sentyabrın 27-də Murovdağ döyüşləri zamanı şəhid olub. Uzun müddət nəşi tapıla bilməyib. 11.12.2020-ci il tarixində Qazax rayonunun Qızılhacılı kənd qəbiristanlığında dəfn olunub. “Vətən uğrunda” , “Kəlbəcərin azad olunmasına görə” medalları ilə təltif olunmuşdur.
3.Şəhid Elfak Eltun oğlu Daşdəmirov 1996-cı il aprelin 26-da Qazax rayonunun Fərəhli kəndində anadan olub. Azərbaycan Ordusunun əsgəri olan Elfak Daşdəmirov 2020-ci il oktyabrın 26-da Füzuli döyüşləri zamanı şəhid olub. Qazax rayonunun Fərəhli kənd qəbiristanlığında dəfn olunub.”Vətən uğrunda” medalı ilə təltif olunmuşdur.
4. Şəhid Məhəmməd Zakir oğlu Məmmədov 1994-cü il yanvarın 27-də Qazax rayonunun Alpout kəndində anadan olub. Azərbaycan Ordusunun leytenantı olan Məhəmməd Məmmədov 2020-ci il oktyabrın 6-da Ağdərə istiqamətində şəhid olub. Qazax rayonunun Alpoud kənd qəbiristanlığında dəfn olunub. “Vətən uğrunda” , “Laçının azad olunmasına görə” medalı medalları ilə təltif olunmuşdur.
5. Şəhid Elcan Hidayət oğlu Namazov 1997-ci il iyunun 1-də Qazax rayonunun Dəmirçilər kəndində anadan olub. Azərbaycan Ordusunun Sərhəd Qoşunlarının kiçik giziri olan Elcan Namazov 2020-ci il oktyabrın 9-da Füzuli döyüşləri zamanı şəhid olub. Qazax rayonunun Dəmirçilər kənd qəbiristanlığında dəfn olunub. “Vətən uğrunda” , “Döyüşdə fərqlənməyə görə” , “Xocavəndin azad olunmasına görə” medalları ilə təltif olunmuşdur.
6. Şəhid Turan Nadir oğlu Məmmədov 1993-cü il avqustun 29-da Qazax rayonunun Dəmirçilər kəndində anadan olub. Azərbaycan Silahlı Qüvvələrinin giziri olan Turan Məmmədov 2020-ci il oktyabrın 7-də Suqovuşan döyüşləri zamanı şəhid olub. Qazax rayonunun Dəmirçilər kənd qəbiristanlığında dəfn olunub. “Vətən uğrunda” , “Suqovuşanın azad olunmasına görə” medalları ilə təltif olunmuşdur.
7. Şəhid Elməddin Məqsəd oğlu Pənahov 1983-cü il sentyabrın 7-də Qazax rayonunun Ürkməzli kəndində anadan olub. Azərbaycan Ordusunun çavuşu olan Elməddin Pənahov 2020-ci il oktyabrın 13-də Füzuli döyüşləri zamanı şəhid olub. Qazax rayonunun Ürkməzli kənd qəbiristanlığında dəfn olunub. “Vətən uğrunda” , “Döyüşdə fərqlənməyə görə”
“Füzulinin azad olunmasına görə” medalları ilə təltif olunmuşdur.
8. Şəhid İlkin Aslan oğlu Şükürov 1995-ci il avqustun 27-də Qazax rayonunun Ürkməzli kəndində anadan olub. Azərbaycan Silahlı Qüvvələrinin giziri olan İlkin Şükürov 2020-ci il
oktyabrın 14-də Füzuli döyüşləri zamanı şəhid olub. Qazax rayonunun Ürkməzli kəndində kənd qəbiristanlığında dəfn olunub. “Vətən uğrunda” , “Füzulinin azad olunmasına görə” medalları ilə təltif olunmuşdur.
9. Şəhid Anar Sahib oğlu Nağıyev 1989-cu il oktyabrın 30-da Gəncə şəhərində anadan olub. Azərbaycan Ordusunun giziri olan Anar Nağıyev 2020-ci il noyabrın 8-də Şuşa döyüşləri zamanı şəhid olub. Qazax rayonunun Ürkməzli kənd qəbiristanlığında dəfn olunub. “Qarabağ” ordeni , “Vətən uğrunda” , “Şuşanın azad olunmasına görə” , “Kəlbəcərin azad olunmasına görə” , “Cəbrayılın azad olunmasına görə” , “Xocavəndin azad olunmasına görə” medalları ilə təltif olunmuşdur.
10. Şəhid Kamil Ələddin oğlu Kərimov 1995-ci il iyulun 2-də Qazax rayonunun Ürkməzli kəndində anadan olub . Azərbaycan Ordusunun müddətdən artıq həqiqi hərbi xidmət qulluqçusu olan Kamil Kərimov 2020-ci il oktyabırın 1-də Murovdağ döyüşləri zamanı şəhid olub. Qazax rayonunun Ürkməzli kənd qəbiristanlığında dəfn olunub . “Vətən uğrunda” “Kəlbəcərin azad olunmasına görə” medalları ilə təltif olunmuşdur.
